Qazaqstan onlaın qyzmet kórsetýden álem boıynsha 8-orynda – Baǵdat Mýsın

ALMATY.KAZINFORM – Qazaqstan onlaın qyzmet kórsetýden álemde 8-orynda tur. Bul týraly «Digital Almaty-2024»: «Industry X: Bolashaqtyń tsıfrlyq evolıýtsııasy» VI tsıfrlyq forýmy barysynda Baǵdat Mýsın aıtty.

Onyń aıtýynsha, elimizde qyzmet túrleriniń 93 paıyzy elektrondy túrde kórsetilip jatyr.

«BUU reıtıngi boıynsha Qazaqstan onlaın qyzmetterdi usyný boıynsha 8-orynda, al «elektrondyq úkimetti» damytý boıynsha 28-orynǵa ornyqty. Qazir qazaqstandyqtar avtokólikti úıden shyqpaı aq 5 mınýtta tirkeı alady. Turǵyndardyń 85 paıyzy qolma-qol aqshasyz esep aıyrysady. Búginde memlekettik qyzmetterdiń 93 protsenti elektrondy formatta kórsetiledi. 50 mıllıon anyqtama tsıfrlyq formatqa kóshirilgen», - dep atap ótti Baǵdat Mýsın aıtty.

Aıta keteıik, Almatyda «Digital Almaty: H ındýstrııasy – bolashaqtyń tsıfrlyq evolıýtsııasy» atty tsıfrlyq forým ótip jatyr. Tsıfrlyq is-sharaǵa 30 myńnan astam adam qatysyp jatyr.