Qazaqstan óńirlik naryqty tsıfrlandyrýda aımaqtaǵy kóshbasshy bolýǵa daıyn

ASTANA. QazAqparat – Qazaqstan óńirlik naryqty tsıfrlandyrýda aımaqtaǵy kóshbasshy bolýǵa daıyn. Bul týraly Sheteldik ınvestorlar keńesinde Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Qazaqstan óńirlik naryqty tsıfrlandyrýda aımaqtaǵy kóshbasshy bolýǵa daıyn. Jáne de bul bizge qarjy sektoryn odan ary tsıfrlandyryp, tsıfrlyq teńgeni engizý qajettigin bildiredi», - dedi Prezıdent.

Memleket basshysy bul rette adamı kapıtal sheshýshi ról atqaratynyn basa aıtty.

«Biraq tsıfrlyq transformatsııaǵa kedergi keltiretin de osy – adamı faktor. Tsıfrlyq úderisterdi basqarý úshin tsıfrlyq saýattylyqqa jáne bilimge basa mán berýimiz qajet ekenin túsinýge tıispiz. Túpki maqsat – tsıfrlyq ósimge baǵdarlanǵan kreatıvti qoǵam qalyptastyrý. Bizdiń adamdar jańa ıdeıalardy qabyldaýǵa, jańasha oılaý men jańa nárse oılap tabýǵa beıimdelýi kerek», - dedi Qasym-Jomart Toqaev.

Sonymen qatar Prezıdent 2025 jylǵa qaraı elimizde 1 myń biliktiligi joǵary ІT maman daıyndaý qajettigin atap ótti.