Qazaqstan óńirleriniń jartysyna jýyǵynda tas joldar jabyldy
ASTANA. QazAqparat - Qazavtojol eldegi jabylǵan joldar týraly aqparatty jańartty. 1 qańtar kúngi 12:35-te aýa raıy jaǵdaıynyń nasharlaýynan (qar, burqasyn) Astana qalasynan barlyq baǵytqa barlyq avtokólik túrleri úshin jol jabyldy.
Aqmola oblysynda 01.01. 6:30-dan beri aýa raıynyń qolaısyzdyǵynan (burqasyn, qar, kórinýdiń nasharlaýy) «Kókshetaý-Atbasar» (4-184 shaqyrym), «Ekaterınbýrg-Almaty» (1247-917 shaqyrym, Astana-Jaqsy kenti) avtojoldarynda barlyq avtokólik túrleri úshin qozǵalys toqtady.1 qańtar tańǵy 07-00-de aýa raıynyń nasharlaýynan (burqasyn, qar, kórý múmkinshiliginiń shektelýi) «Astana-Petropavl» (18-230 shaqyrym,Astana-Şýche) avtojoly jabyldy. 1qańtar kúni 09-00-den aýa raıynyń qolaısyzdyǵynan (kúshti jel, qar, burqasyn, kórýdiń nasharlaýy) «Jezqazǵan-Petropavl» (377-595 shaqyrymdar, Qostanaı oblysy men SQO shekarasy) avtojoly jabyq. 1 qańtar 12-30-dan beri aýa raıyna baılanysty (kúshti jel, qar, burqasyn, kórý múmkindiginiń shektelýi) «Ekaterınbýrg-Almaty» (1280-1353 shaqyrymdar, Astana-Qaraǵandy oblysynyń shekarasy), «Astana-Ereımentaý-Shiderti» (16-205 shaqyrymdar, Astana - Pavlodar oblysynyń shekarasy), «Astana-Qabanbaı Batyr-Kıevka-Temirtaý» (16-51 shaqyrymdar, Astana-Qaraǵandy oblysynyń shekarasy), «Astana-Qorǵaljyn» (19-169 shaqyrym, Astana- Qorǵaljyn) avtojoldary jabyq tur.
Almaty oblysynda: 31 jeltoqsan kúni 16:30-da aýa raıynyń nasharlaýynan (burqasyn, kórýdiń nasharlaýynan) respýblıkalyq mańyzy bar «Úsharal-Dostyq» (83-184 shaqyrymdar) avtojoly jabyldy. 1 qańtar kúni 11:50-de qatty burqasynnan respýblıkalyq mańyzy bar «Almaty-Óskemen» (973-1048 shaqyrymdar, Qalbataý-Ulan) avtojoly jabyldy. 1 qańtar kúni 13:50-de respýblıkalyq mańyzy bar «Omby-Maıqapshaǵaı» avtojolynyń 587-733 shaqyrymdarynda (Pavlodar shekarasy-Semeı) qozǵalys toqtady. 1 qańtar kúni 14:00-de aýa raıyna baılanysty (burqasyn, kórýdiń nasharlaýy) oblystyq mańyzy bar «Kúrshim-Qaljyr» (65-131 shaqyrymdar) avtojoly jabyq.
Qaraǵandy oblysynda: 1 qańtar kúni 12:00-de aýa raıynyń jaǵdaıynyń nasharlaýynan (burqasyn, kórý múmkinshiliginiń shektelýi) «Qyzylorda-Pavlodar» avtojolynda (970-1135 shaqyrymdar, Qaraǵandy-Pavlodar oblysy), «Almaty-Ekaterınbýrg» (1051-1142 shaqyrym, Temirtaý - Aqmola oblysy shekarasy» barlyq avtokólik túrleri úshin qozǵalys toqtady.
