Qazaqstan óńirleriniń sanıtarlyq-epıdemıologııalyq tólqujaty ázirlenedi
ASTANA. QazAqparat - Qazaqstan óńirleriniń sanıtarlyq-epıdemıologııalyq tólqujaty ázirlenedi. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte Tutynýshylar quqyǵyn qorǵaý agenttiginiń tóraǵasy Bolatbek Qýandyqov málim etti.
«Biz óńirlerdiń sanıtarlyq-epıdemıologııalyq tólqujatyn ázirlep, engizýdi usynamyz. Sonymen qatar qolda bar málimetterdiń saraptamalary negizinde naqty qadaǵalaý úshin orta jáne uzaq merzimdi epıdemıologııalyq syn-qaterlerdiń geoaqparattyq boljam qartasyn ázirlený qajet», - dedi ol.
Agenttik basshysynyń atap ótýinshe, salynyp jatqan ortalyq referens-zerthananyń ǵylymı-zertteý jáne dıagnostıkalyq áleýetin keńeıtý, halyqaralyq GMP (Good Manufacturing Practice) standartyna saı dıagnostıkalyq jáne ımmýnobıologııalyq prepattar óndirisi boıynsha keshen qurý josparlanýda.
«Sonymen birge bıoqaýipsizdik salasyndaǵy ǵylymı-óndiristik áleýetti keńeıtý boljanýda», - dedi B.Qýandyqov.
