Qazaqstan óńirlerinen Túrkııaǵa 150 tonna gýmanıtarlyq kómek, 35 mln teńge qarajat jınaldy
Aqparat jáne qoǵamdyq damý mınıstrliginiń málimetinshe, elimizdiń barlyq óńirlerinde qajetti zattardy qabyldaý jáne suryptaý pýnkteri uıymdastyrylǵan. Belsendi azamattar, volonterler kómek esebin júrgizedi, barlyq jınalǵan zattardy suryptaıdy, oraıdy.
Jınalǵan materıaldar avtokólikpen Túrkııa Respýblıkasynyń elshilikteri men konsýldyqtaryna jetkiziledi.
«13 aqpandaǵy jaǵdaı boıynsha óńirlerde 115 tonna gýmanıtarlyq kómek jınaldy (Almaty qalasy - 4 tonna, Almaty oblysy - 68 tonna, Túrkistan oblysy - 25 tonna, Shymkent - 50 tonna, Aqmola, Batys Qazaqstan, Qaraǵandy, Pavlodar, Soltústik Qazaqstan, Shyǵys Qazaqstan, Ulytaý oblystary – 3 tonna), onyń 75 tonnasy (Túrkistan oblysy jáne Shymkent qalasy) Túrkııaǵa jiberildi, sondaı-aq 32 mln teńge jınalyp, tikeleı Afad qoryna aýdaryldy», - dep jazdy mınıstrlikten.
Buǵan qosa, qazaqstandyqtar 114 ulttyq kıiz úı jóneltti. Jalpy, halyq jumyla kóterilýde, blogerler, kásipkerler, volonterler men qoǵam qaıratkerleri, jýrnalıster men jaı ǵana belsendi azamattar óz úlesterin qosýda.
«Máselen, jas kásipker ári bloger Ashat Nurlybaev pen Aıdos Shaıhıslam Instagram paraqshalarynda kómek uıymdastyrý boıynsha belsendilik tanytsa, Jambyl oblysynda volonterler 17 fýra kómek jınap, Almaty konsýldyǵyna jiberýdi josparlaýda.
Óz kezegide Ulttyq volonteler jelisi men Qazaqstandaǵy Qyzyl Jarty-Aı qoǵamy aıtarlyqtaı jumystar uıymdastyrýda. Volonterler kómek kórsetý boıynsha jumystyń birinshi kezeńin aıaqtap qaldy», - delingen habarlamada.
Barlyq jumystar Qazaqstandaǵy Túrik Respýblıkasynyń elshiligimen birlesip júrgizilýde.
