Qazaqstan óńirlerinen qaýipti et ónimderi tabyldy

ASTANA. QazAqparat - Ónimderdiń qaýipsizdigin monıtorıngteý barysynda Qazaqstan aýmaǵyna jetkizilgen azyq-túlik ónimderiniń synamasynan gıgıenalyq normatıvter men tehnıkalyq reglamentter talabynyń buzylǵany anyqtaldy. Bul jaıynda QR Densaýlyq saqtaý mınıstrligi Qoǵamdyq densaýlyqty qorǵaý komıtetinen málim etti, dep habarlaıdy QazAqparat tilshisi.

Vedomstvo málimetinshe, Belarýstan jetkizilgen «Drýjba» qus fabrıkasy» AAQ-nyń  taýyq etinen (Qostanaı oblysynyń saýda nysandarynda) salmonella jáne ishek qurty bakterııalary anyqtalǵan.

Al Reseıdiń «Omskıı bekon» AQ óndirgen «Izmaılovskaıa», «Orıgınalnaıa» shujyqtarynan, «Sıbırskıe kolbasy» AAQ-nyń «Molochnye» sosıskasynan «Starodvorskıe kolbasy» JAQ-nyń «Vetchına stolıchnaıa Vıazanka» et ónimderinen, «Voshodıaşaıa zvezda» AAQ-nyń «Osoboıa» shujyǵynda (Soltústik Qazaqstan oblysynyń saýda nysandarynda) natrıı nıtratynyń salmaq úlesi artyq bolyp shyqty.

Sonymen qatar, Qostanaı oblysynyń saýda nysandaryndaǵy reseılik «Nagaıbakskıı ptıtsevodcheskıı kompleks» kompanııasy óndirgen sorpaǵa arnalǵan taýyq eti jıyntyǵynda da salmonella bakterııalary tabylyp, memlekettik tildegi tańbalanýy joq bolyp shyqqan.

Al Aqmola oblysynda Reseıdiń «Magnıtogorskıı ptıtsevodcheskıı kompleks «Broılernoe proızvodstvo» AAQ óndirgen taýyq etinde, Jambyl oblysynda  «Ptıtsekombınat» AAQ-nyń taýyq etinde mıkrobtyq tuqymdaný kórsetkishteriniń saı emestigi anyqtaldy.

Qazirgi ýaqytta atalǵan qaýipti ónimderdi saýda núktelerinen alyp tastaý jáne jetkizýshilerge qatysty ákimshilik sıpattaǵy shara qoldaný jumystary júrgizilip jatyr.