Qazaqstan óńirlerine 150 myń tonnadan astam arzandatylǵan astyq jóneltildi
ASTANA. QazAqparat - «Azyq-túlik kelisimshart korporatsııasy» Ulttyq kompanııasy» AQ nan men un baǵasyn turaqtandyrý maqsatynda memlekettik resýrstardan el óńirlerine arzandatylǵan baǵamen 156 myń tonna astyq jiberdi. Bul astyqtyń ár tonnasy 28 300 teńgege baǵalanǵan.
«Osy baǵytta bekitilgen memorandýmdardyń aıasynda korporatsııa 518 000 tonna astyqty saqtap qoıdy.
Onyń 182 000 tonnasy bekitilgen 28 300 teńge somasynda (1 tonnaǵa) memlekettik ótkizý resýrstarynda jınaqtaldy. Al qalǵan 336 000 tonnasy kommertsııalyq resýrstardyń esebinen qamtyldy. Kommertsııalyq astyqtyń árbir tonnasy 42 000 myń teńge kóleminde belgilendi. Astyqty jóneltý merzimi 2014 jyldyń 17 aqpany men tamyz aralyǵynda iske asyrylady», - delingen korporatsııanyń málimetinde.
Osy baǵdarlamaǵa qatysatyn uıymdardy jergilikti organdar anyqtaıdy.
Azyq-túlik kelisimshart korporatsııasynyń kommertsııalyq astyǵynyń qunyn bıylǵy 16 mamyrda memlekettik komıssııa 42 myń teńge kóleminde belgiledi (naryqtyq baǵa 45000-47000 teńge).
