Qazaqstan óńirlerinde jol boıyndaǵy medıtsınalyq-qutqarý pýnktteri quryldy

ASTANA. QazAqparat - QR ІІM Tótenshe jaǵdaılar komıteti "Medıtsınalyq apattar ortalyǵy" 2011-2015 jyldarǵa arnalǵan "Salamatty Qazaqstan" baǵdarlamasyn iske asyrý aıasynda jol boıyndaǵy 40 medıtsınalyq-qutqarý pýnktin qurdy, dep habarlady strategy2050.kz.

TJ komıtetiniń habarlaýynsha, jol boıyndaǵy medıtsınalyq-qutqarý pýnktterin salý memlekettik baǵdarlamanyń iske asyrylýy bir jylǵa ýaqytynan buryn aıaqtaldy.

Qaraǵandy oblysynda jol-kólik oqıǵalary kezinde zardap jekkenderge jedel medıtsınalyq-qutqarý kómekterin kórsetý boıynsha 7, Almaty oblysy boıynsha 6, Shyǵys Qazaqstanda 4, Jambyl, Qyzylorda, Aqtóbe, Aqmola oblystary men OQO-da 3 qyzmet kórsetilgen.

Sonymen qatar Pavlodar, Mańǵystaý oblystarynda 2, Atyraý, Batys Qazaqstan, Qostanaı jáne Soltústik Qazaqstan oblystarynda 1 qyzmet kórsetilgen.

Osy ýaqyt aralyǵynda jol boıy pýnktteri brıgadalary 2 myńnan astam ret oqıǵa ornyna shyǵyp, 7 myńnan astam adamǵa kómek kórsetken.

"Salamatty Qazaqstan" memlekettik baǵdarlamasy arqyly maqsatty ındıkatorlar aıqyndaldy: JKO kezinde qaıtys bolǵandar sany azaıyp, jedel kómek kórsetý ýaqyty qysqardy.