Qazaqstan óńirlerinde jaýyn-shashynsyz kún raıy saqtalady
NUR-SULTAN. QazAqparat – 5 aqpan kúni QR terrıtorııasynyń basym bóliginde jaýyn-shashynsyz aýa raıy saqtalady. Elimizdiń tek batysynda jaýyn-shashyn (jańbyr, qar) jaýyp, kóktaıǵaq kútiledi. Respýblıka boıynsha keı jerlerde tuman, ekpindi jel boljanady, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda Túrkistan oblysynyń soltústiginde, taý jáne taýly aýdandarynda tuman kútiledi. Oblystyń soltústiginde, taýly aýdandarynda jel bolady, kúndiz ekpini 23 m/s kúsheıedi.
Túnde jáne tańerteń Almaty oblysynyń ońtústigi men shyǵysynda tuman bolady. Taý jáne taýly aýdandarynda jeldiń kúshi 17-22 m/s quraıdy. Alakól aýdanynda ekpini 23-28, keı ýaqyttarda 30 m/s jáne odan joǵary bolady.
Atyraý, Batys Qazaqstan oblystarynyń batysynda, soltústigi men ortalyǵynda tuman kútiledi, kúndiz batysynda jel 15-20 m/s kúsheıedi. Mańǵystaý oblysynyń batysynda jáne ortalyǵynda kóktaıǵaq, oblystyń soltústiginde tuman, kúndiz batysynda 17-22 m/s jel kútiledi. Kúndiz Aqtóbe oblysynda jaıaý burqasyn boljanady. Kóktaıǵaq kútiledi, ońtústik-batysynda jáne ortalyǵynda jel 15-20 m/s kúsheıedi. Qostanaı oblysynda jaıaý burqasyn bolady. Kúndiz óńirdiń ońtústiginde jel 15-20 m/s kúsheıedi.
Qaraǵandy oblysynyń batysynda, shyǵysynda jáne ortalyǵynda jel 15-20 m/s artady, epkini 25 m/s kúsheıedi.
Shyǵys Qazaqstan oblysynda tuman bolady. Kúndiz óńirdiń ortalyǵynda, ońtústik-shyǵysynda jeldiń ekpini 25 m/s kúsheıedi. Qyzylorda oblysynyń soltústiginde, ortalyǵynda tuman kútiledi, oblystyń soltústigi men ortalyǵynda jel 15-20 m/s artady.
