Qazaqstan óńirlerinde vaktsınanyń qansha dozasy bar
NUR-SULTAN. QazAqparat – Qazaqstanda 1 790 356 adamǵa koronavırýs vaktsınasynyń birinshi komponenti egildi. Bul týraly QR DSM Qoǵamdyq densaýlyq saqtaý ulttyq ortalyǵynyń «Sanıtarııalyq-epıdemıologııalyq saraptama jáne monıtorıng ǵylymı- praktıkalyq ortalyǵy» fılıaly dırektorynyń orynbasary Manar Smaǵul aıtty, dep habarlaıdy QazAqparat tilshisi.
«Vaktsınalaý taqyrybyna toqtalsaq, Qazaqstanda 1 790 356 adam koronavırýs vaktsınasynyń birinshi komponentin saldyrdy. Ekinshi komponentti saldyrǵandar sany – 722 504. Búgingi tańda aımaqtarda 798 myń dozadan astam vaktsına bar», - dedi M. Smaǵul.
Onyń aıtýynsha, qajettilikti eskere otyryp, egý pýnkteriniń artyp keledi.
Budan buryn habarlanǵandaı, 14 mamyrdaǵy jaǵdaı boıynsha Qazaqstan óńirlerindegi epıdemıologııalyq ahýaldy baǵalaý matrıtsasy jarııalandy. https://kaz.inform.kz/news/koronavirus-soltustik-kazakstan-zhasyldan-sary-aymakka-otti_a3787755
«Qyzyl» aımaqta Nur-Sultan, Almaty qalalary, Aqmola, Batys Qazaqstan, Qaraǵandy, Pavlodar oblystary ornalasqan.
