Qazaqstan óńirleri men Qytaı qalalary baýyrlastyq týraly kelisim jasasty

SIANЬ. QazAqparat – Qazaqstannyń úsh óńiri Qytaı qalalarymen ózara kelisimderge qol qoıdy, dep habarlaıdy QazAqparat.

Atap aıtqanda, Shyǵys Qazaqstan oblysynyń ákimdigi men Tıantszın qalasynyń Halyq Úkimeti Qazaqstanda «Lý Ban sheberhanasyn» qurý týraly kelisim jasasty.

Al Shymkent qalasy men Sıan qalasy baýyrlastyq baılanys ornatý jóninde ýaǵdalasty.

Baýyrlastyq baılanystar/qatynastar ornatý týraly kelisimge sondaı-aq Soltústik Qazaqstan oblysy men Shensı provıntsııasy da qol qoıdy.

Búgin Prezıdent Qasym-Jomart Toqaevtyń Qytaıǵa memlekettik sapary aıasynda 23 qujatqa qol qoıylǵan bolatyn.

Memleket basshysy QHR-ǵa memlekettik saparmen búgin bardy.

Qol qoıylǵan qujattar arasynda ózara vızasyz rejım týraly kelisim, eki el ýnıversıtetteri arasyndaǵy mámileler bar.