Qazaqstan óndiristik habqa aınala ala ma: álem ǵalymdary ne deıdi
ASTANA. KAZINFORM — Qazaqstan óndiristi damytý úshin tabıǵı resýrstaryn tıimdi paıdalanyp qana qoımaı, ǵylym, bıznes jáne memleket arasyndaǵy baılanysty kúsheıtýi qajet. Bul týraly Nazarbaev ýnıversıtetinde ótken Óndiris salasyndaǵy zertteýler jónindegi 23-halyqaralyq konferentsııada (ICMR 2026) ǵalymdar aıtty.
ICMR — óndiristik zertteýler salasyndaǵy ǵalymdar men ónerkásip ókilderin biriktiretin halyqaralyq alań. Konferentsııa 40 jyldan astam ýaqyt buryn Ulybrıtanııadaǵy ýnıversıtetterdiń óndiris jáne ınjenerııa baǵdarlamalary jetekshileriniń konsortsıýmy negizinde qurylǵan. Bıyl halyqaralyq konferentsııa Qazaqstanda alǵash ret uıymdastyrylyp otyr.
ICMR 2026 konferentsııasynyń jalpy tóraǵasy, NU Injenerııa mektebi dekanynyń mindetin atqarýshy professor Essam Shehab Qazaqstanda mundaı halyqaralyq óndiristik konferentsııanyń ótkizilýi mańyzdy múmkindik ekenin atap ótti.
Konferentsııa barysynda óndiristiń bolashaǵy, ónerkásiptik ınnovatsııalar, jańa tehnologııalar, kadr daıarlaý jáne ǵylym men bıznestiń ózara yqpaldastyǵy talqylandy. Paneldik pikirtalasqa Alstom, Wabtec, Air Astana, VietJet, KPE, Ghalam, Air Liquide jáne Composite Materials kompanııalarynyń basshylary men jetekshi sarapshylary qatysty.
Іs-sharaǵa 60-qa jýyq Ulybrıtanııa, Kanada, Irlandııa, Qazaqstan jáne basqa elderdiń ǵalymdary qatysty. Baıandamalar robottandyrý men avtomattandyrý, jasandy ıntellekt, mashınalyq oqytý, tsıfrlyq óndiris, addıtıvti tehnologııalar jáne Industry 4.0 baǵyttaryn qamtydy.
Professor Qazaqstan úshin kadr daıarlaý máselesiniń de mańyzy zor ekenin aıtty. Onyń pikirinshe, óndiristi damytatyn ınjenerler men tehnıkalyq mamandardy daıarlaý, sondaı-aq olardy elde ustap qalý — uzaqmerzimdi ındýstrııalyq saıasattyń mańyzdy bóligi.
NU Injenerııa mektebiniń qaýymdastyrylǵan professory Hazret Alı Qazaqstannyń óndiristik habqa aınalýyna múmkindik bar dep sanaıdy.
— Qazaqstan óndiris salasynda ósip kele jatqan elderdiń biri. Sońǵy jyldary bul baǵyttaǵy damý qarqyndy júrip jatyr. Sondyqtan eldiń bolashaǵy jaqsy, — dedi ol.
Professor ıÝsýf Altıntas Qazaqstannyń halqy salystyrmaly túrde az bolýy da belgili bir jaǵdaıda artyqshylyq ekenin aıtty. Onyń pikirinshe, halyq sany shaǵyn eldiń ózinde joǵary bilikti mamandardy daıarlaý arqyly álemdik naryqqa tehnologııalyq ónim shyǵarýǵa bolady.
— Shveıtsarııa — shaǵyn el, biraq álemge kóptegen tehnologııa usynady. Qazaqstan da óz mamandaryn joǵary deńgeıde daıarlasa, mundaı nátıjege qol jetkize alady, — dedi ol.
Aıta keteıik, buǵan deıin, Pavlodardaǵy dron óndirisi qalaı damyp jatqanyn jazǵan edik.
