Qazaqstan óndirgen kúrish ishki qajettilikti jabýǵa tolyq jetedi

ASTANA. QazAqparat - 2022 jyly qazaqstandyq kúrish ósirýshiler 486,9 myń tonna arshylmaǵan (shala) kúrish jınady, refraktsııany eskere otyryp jalpy kólemi 442,5 myń tonnany qurady, dep habarlaıdy QazAqparat.

Shala kúrishten kúrish jarmasynyń shyǵymdylyǵy - 50%. Osylaısha óńdeýden keıin qoımalarǵa shamamen 221,2 myń tonna túsedi.

Іshki naryqtyń jyl saıynǵy qajettiligi - shamamen 165 myń tonna. Bul óndirilgen kólemnen az.

Osylaısha, byltyrǵy qaldyqtar men jańa egin Qazaqstan halqynyń kúrishke degen qajettiligin qamtamasyz etýge jetkilikti ekenin senimdi túrde atap ótýge bolady.

Sonymen qatar, artyq ónim basqa elderge eksporttalady. 2022 jyldyń 8 aıynda 67,8 myń tonna eksporttaldy.

Sonymen qatar, 2022 jyly Qazaqstan aýmaǵyndaǵy kúrishtiń egis alqaby 87,8 myń gektardy qurady, bul 2021 jylǵy deńgeıden 8,4 myń gektarǵa az.

Kúrish alqaptary ysqarýynyń negizgi sebebi - vegetatsııalyq kezeńde qajet sýarmaly sý tapshylyǵy máselesi.

Aıta ketý kerek, Úkimet kúrish pen maqta daqyldaryn azaıtý máselesine óte salmaqty qarady, óıtkeni bul másele áleýmettik jáne ekonomıkalyq sıpatqa ıe.

Kúrishtiń melıoratsııalyq daqyldyń bir túri ekenin eskere otyryp, ınjenerlik-daıyndalǵan jerlerdiń qaıtalama tuzdanýyna jol bermeý úshin, buryn kúrish ósirilgen jerlerde ylǵal syıymdylyǵy az jáne tuzǵa tózimdi daqyldardyń egistikteriniń úlesin arttyryp, ǵylymı negizdelgen aýyspaly egisti engizý boıynsha jumys júrip jatyr.