Qazaqstan ómir súrý sapasy boıynsha álem elderiniń arasynda 70-shi orynda tur

ASTANA. KAZINFORM – Qazaqstan ómir súrý sapasy boıynsha jyl saıynǵy Human Progress Index (HPI) reıtınginde 196 eldiń arasynda 70-shi orynǵa turaqtady.

Adam damý ındeksi (HPI) 2025 jylǵy adamnyń ómir súrý sapasymen qatar, ómir súrý uzaqtyǵy, bilim berý deńgeıi, jan basyna shaqqandaǵy kiris, saıası turaqtylyq, damýǵa degen múmkindik sııaqty keń aýqymdy salalardy qamtıdy.

Taldaý turaqtylyq, qanaǵattaný deńgeıi men teńgerimdilik sııaqty basty úsh sheshýshi baǵyttar boıynsha júrgizildi. Olardyń árqaısysy 100 baldyq shkala boıynsha baǵalandy.

Kóshbasshy Shveıtsarııa boldy, odan keıin Norvegııa men Islandııa tur. Alǵashy ondyqqa Gonkong, Shvetsııa, Danııa, Germanııa, Irlandııa, Sıngapýr men Avstralııa kirdi.

Qazaqstan 79.32 balmen «ómir sapasy óte joǵary» sanatqa kirdi.

Osyǵan deıin keıingi jyldary elimizde adamdardyń ortasha ómir súrý uzaqtyǵy artqany týraly jazdyq.