Qazaqstan ómir súrý úshin eń qolaıly elderdiń ondyǵyna kirdi
ASTANA. QazAqparat - Qazaqstan ómir súrý úshin eń arzan elderdiń ondyǵyna kirdi. Halyqaralyq agenttik elimizdi Zambııa men Saýd Arabııasy arasyndaǵy besinshi orynǵa jaıǵastyrdy.
GOBankingRates halyqaralyq agenttigi ómir súrý úshin eń arzan elderdiń tizimin qurastyrdy. Kútpegen jerden bizdiń elimizge bul reıtıngtegi 5-shi oryn buıyrdy.
«Besinshi oryn, Qazaqstan. Reseı jáne Qytaımen shekaralas. Munaı, kómir, temir keni sııaqty eldiń tabıǵı resýrstarynyń arqasynda ekonomıkasy damyp keledi. Azyq-túlik jáne tutynýshylyq taýarlardyń quny reıtıngtegi ózge elderdiń kópshiligimen salystyrǵanda tómendeý», - delingen materıalda.
Tórtinshi oryn. Saýd Arabııasy. Úshinshi oryn - Kosovo. Ekinshi oryn - Úndistan. Reıtıngtiń kósh basynda Ońtústik Afrıka Respýblıkasy tur. Jumys isteıtin jáne zeınetke shyqqandar úshin eń arzan el. Eń sońǵy, 50-shi oryndy agenttik Belorýssııaǵa berdi. Ýkraına 24-orynda bolsa, Reseı 39-orynda.
