Qazaqstan-Oman fýtbol kezdesýinde 2010 jylǵy Álem chempıonatynda eń úzdik tóreshileriniń biri bolǵan ózbekstandyq Ravshan Irmatov qazylyq etedi
ASTANA. Shildeniń 27-si. QazAqparat /Jasulan Amanbaıuly/ - Tamyzdyń 11-i kúni ótetin Qazaqstan-Oman fýtbol quramalarynyń joldastyq kezdesýinde 2010 jylǵy fýtboldan Álem chempıonatynda eń úzdik tóreshilerdiń biri bolǵan ózbekstandyq Ravshan Irmatov qazylyq etetin bolady.
Álem chempıonatynan keıin halyqaralyq kezdesýler men joǵary deńgeıli týrnırlerde qazylyq qyzmetti kórsetýden qoly bosamaıtyn Irmatovty Astanada ótetin joldastyq kezdesýge tóreshi retinde shaqyrý Qazaqstan jáne Ózbekstan fýtbol quramalarynyń sońǵy kezdegi ornaǵan jyly qarym-qatynastarynyń arqasynda múmkin boldy.
Ravshan Irmatov 2008 jáne 2009 jyldary Azııanyń eń úzdik tóreshisi dep tanylǵan bolatyn. R. Irmatov osy jaqynda ǵana aıaqtalǵan Álem chempıonatynda bes kezdesýde tóreshi boldy. Sonyń ishinde Álem chempıonatynyń ashylýynda bolǵan OAR - Meksıka arasynda bolǵan alǵashqy kezdesýde qyzmet istedi. Sonymen qatar Anglııa - Aljır, Gretsııa - Argentına, 4/1 fınalynda Germanııa - Argentına jáne jartylaıfınal matchi Ýrýgvaı - Nıderlandy komandalarynyń kezdesýlerinde qazylyq etti.
Qazaqstan men Oman oıynynda Irmatovqa onyń jerlesteri 2010 Álem chempıonatynda jumys istegen Rafael Ilıasov, sonymen qatar Abdýhamıdýllo Rasýlov kómek kórsetedi.
