Qazaqstan Olımpıadanyń medaldar kestesinde neshinshi orynda tur
TOKIO. QazAqparat – Tokıoda ótip jatqan Olımpıada oıyndarynyń 10-ynshy jarys kúninen keıin Qazaqstan qorjynynda burynǵysha úsh «qola» ǵana bar. Júldegerler – dzıýdoshy Eldos Smetov, aýyr atletter Igor Son jáne Zúlfııa Chınshanlo. QazAqparat bul týraly Oıyndardyń resmı saıtyna silteme jasap habarlaıdy.
Osy ýaqytta Qazaqstan medal sandary boıynsha 71-orynda tur.
Birinshi orynda – Qytaı (altyn – 29, kúmis – 17, qola -16). Odan keıin AQSh (22-25-17) jáne Japonııa (17-6-10) keledi.
Medal alǵan TMD elderi arasynda úzdik kórsetkish Reseıde – 5-oryn (12-21-17). Belarýs pen Ózbekstan — 47-inshi (1-0-1), Ýkraına – 60-ynshy (0-1-5), Túrikmenstan – 67-inshi (0-1-0), Qazaqstan – 71-inshi (0-0-3), Ázerbaıjan – 73-inshi (0-0-2), Armenııa – 75-inshi (0-0-1) satyda keledi. Qyrǵyzstan, Moldova jáne Tájikstanda ázirge medaldar joq.
2 tamyzdaǵy jaǵdaı boıynsha Olımpıada-2020-da TOP-10 enip otyrǵan memleketter:
1. Qytaı — 29-17-16
2. AQSh — 22-25-17
3. Japonııa — 17-6-10
4. Avstralııa — 14-4-15
5. Reseı — 12-21-17
6. Ulybrıtanııa — 11-12-12
7. Frantsııa — 6-10-7
8. Germanııa — 6-6-11
9. Ońtústik Koreıa — 6-4-9
10. Nıderlandy — 5-7-6
