Qazaqstan ólim jazasynan bas tartýǵa qatysty halyqaralyq talaptardyń barlyǵyn oryndap keledi - SІM-niń ókili
ASTANA. 26 sáýir. QazAqparat /Aıdar Ospanalıev/ -«Qazaqstan adam quqyqtaryna qatysty búkilálemdik baǵyttan aınymastan, ólim jazasyn qoldanýdan bas tartýdy birte-birte júzege asyryp keledi.
Qazaqstan tipti osy kezdiń ózinde-aq ólim jazasynan bas tartqan memleket», - dedi búgin Syrtqy ister mınıstrliginiń Erekshe tapsyrmalar jónindegi elshisi Mádına Jarbosynova «Ortalyq Azııada ólim jazasyna shekteý qoıý men ony qoldanýdan bas tartýǵa deıin: ótpeli kezeńniń yǵyttary» atty taqyrypta ótip jatqan aýmaqtyq konferentsııa barysynda.
«Álemde kóptegen memleketter ólim jazasyn qoldanýdan zań túrinde bas tartty nemese ony múldem qoldanbaıtyn boldy. Mundaı memleketter sany jyl saıyn artyp otyr. Aıtalyq jylyna 1-3 memleket atalmysh jaza túrin qoldanýdan bas tartady. Qazaqstan
da BUU-nyń negizgi quqyq qorǵaý konventsııasyna qosyla otyryp, ádilettiliktiń ústemdigin ornatý baǵytynda alǵa jyljyp barady. Bul qazirgi zamannyń ajyramas bóligi», - deıdi elshi.
Onyń sózine qaraǵanda, 2003 jyly Qazaqstan Prezıdenti Nursultan Nazarbaevtyń Jarlyǵymen ólim jazasyna tyıym salyndy. 2004 jyly ólim jazasyna balama retinde ómir boıy bas bostandyǵynan aıyrý jazasyn engizildi. «2007 jyly Konstıtýtsııaǵa júrgizilgen reformalardan keıin, ólim jazasy tek kóptegen adamdardyń ólimine alyp keletin terrorıstik áreketter men soǵys ýaqytynda jasalǵan asa aýyr qylmystarǵa qatysty ǵana qoldanylatyn boldy. Bul degenińiz ólim jazasynan is júzinde bas tartý degendi bildiredi», - dedi M.Jarbosynova.
Onyń aıtýynsha, 2006 jyly halyqaralyq yntymaqtastyq sharalarynyń aıasynda Qazaqstan ólim jazasynan bas tartý týraly Eýropalyq Odaqtyń málimdemesine qosyldy. ıAǵnı, Qazaqstan búginde ólim jazasynan bas tartýǵa qatysty halyqaralyq mindettemelerdiń barlyǵyn oryndap otyr», - dedi Syrtqy ister mınıstrliginiń ókili.
