Qazaqstan oqýshylary rekord jańartty: Álemdik olımpıadalardan 26 medal

NUR-SULTAN. QazAqparat – Bıyl qazaqstandyq oqýshylar ótken jyldardyń rekordyn jańartyp, álemdik olımpıadalarda 26 medal jeńip aldy, dep habarlaıdy QazAqparat tilshisi.

QR Bilim jáne ǵylym mınıstrliginiń málimetinshe, bıyl elimizdiń mektep oqýshylary matematıka men geografııadan bir-bir altyn medal aldy. Sonymen qatar qazaqstandyq oqýshylardyń enshisinde 13 kúmis bar. Naqtyraq aıtqanda, elimizdiń oqýshylary fızıkadan – 5, matematıkadan - 3, hımııadan – 3, bıologııadan – 1 jáne geografııadan 1 kúmis medal enshiledi. Al oqshýshylarymyz 11 qola medaldi ınformatıka (4), matematıka (2), bıologııa (2), lıngvıstıka (1), hımııa (1) jáne geografııa (1) pánderinen jeńip aldy.

Aıta keteıik, elimizde halyqaralyq zııatkerlik olımpıadalarǵa qatysýshylardy yntalandyrý jáne qoldaý maqsatynda altyn medal ıegerlerine 1500 AEK, kúmis – 1000 AEK, qola – 500 AEK kóleminde syıaqy taǵaıyndaý josparlanyp otyr.