Qazaqstan oqýshylary Halyqaralyq fılosofııa olımpıadasynda alǵash ret marapatqa ıe boldy
ASTANA. KAZINFORM – 14-17 mamyr aralyǵynda Varshava qalasynda 10-11-synyp oqýshylary arasynda Halyqaralyq fılosofııa olımpıadasy ótti. Bıylǵy bilim báıgesine álemniń 50-den astam elinen 118 oqýshy qatysyp, ózara baq synady.
Halyqaralyq doda qorytyndysy boıynsha Qazaqstan ulttyq quramasynyń músheleri qurmet gramotalarymen marapattaldy. Atap aıtqanda, Qaraǵandy qalasy Qanysh Sátbaev atyndaǵy gımnazııasynyń 11-synyp oqýshysy Evgenııa Shatohına men «Almaty-Medeý» Zııatkerlik mektebiniń 11-synyp oqýshysy Sáken Zańǵar el mereıin ústem etti.
Aıta keteıik, qazaqstandyq oqýshylar atalǵan olımpıada tarıhynda alǵash ret marapatqa ıe bolyp otyr. Bul — elimizdiń jas zııatkerleriniń fılosofııalyq oılaý mádenıeti men bilim deńgeıiniń qalyptasqanynyń aıqyn kórinisi.
Aıta ketelik JI kómegimen qaterli isikti anyqtaǵan qazaqstandyq oqýshy marapattalǵan edi.
