Qazaqstan oqýshylary geografııadan halyqaralyq olımpıadada 4 medal jeńip aldy

ASTANA. KAZINFORM — Irlandııanyń Dýblın qalasynda ótken IGeO-2024 geografııa boıynsha halyqaralyq olımpıadada qazaqstandyq oqýshylar joǵary nátıjelerge qol jetkizdi. Oǵan álemniń 50 elinen 200-ge jýyq oqýshy qatysty, dep habarlaıdy Oqý-aǵartý mınıstrliginiń baspasóz qyzmeti.

Qazaqstan komandasy 100% nátıje kórsetip, bir kúmis jáne úsh qola medal jeńip aldy:

Aqjol Bolat — Taldykorǵan qalasyndaǵy FMB NZM 11-synyp oqýshysy;

Jomart Sabyr — Jambyl oblysyndaǵy daryndy balalarǵa arnalǵan mamandandyrylǵan «Daryn» lıtseı-ınternatynyń 11-synyp oqýshysy;

Arsen Sydyqov — Shymkent qalasyndaǵy HBB NZM 11-synyp oqýshysy;

Qanat Serikbaı — Shymkent qalasyndaǵy HBB NZM 11-synyp oqýshysy.

Komanda jetekshileri: Nurlan Jumageldi — «Daryn» RǴPO dırektordyń orynbasary jáne Maqsat Aýbakırov — «Daryn» RǴPO bólim basshysy.

Aıta keteıik, IGeO olımpıadasy 1996 jyldan bastap Halyqaralyq geografııalyq odaqtyń (IGU) qoldaýymen ótkizilip keledi.