Qazaqstan oqýlyqtarynyń avtorlary QR SІM resmı ustanymdaryn negizge alýlary tıis - K. Burxanov
"Men áli ol materıaldy kórgen joqpyn, ýaqytym tyǵyzdaý. Tarıxı fakt degen bar, bizdiń oqýshylar qazirgi zamannyń tarıxyn bilýleri tıis, ol Ýkraına, Frantsııa bolmasyn, Sırııa jáne Irakqa qatysty bolsa da", - dedi depýtat QR Bas prokýratýrasynda ótken ekstremızmge qarsy is-qımyl máselelerine arnalǵan forýmda jýrnalısterdiń saýalyna bere otyryp.
Onyń aıtýynsha, bul máseleniń ekinshi qyry da bar.
"Ekinshi másele - ınterpretatsııa. Oryn alǵan jaıtqa qanyq emespin, sondyqtan onyń mán-jaıyn bilmeımin. Biraq eger ony basqasha buryp alǵan bolsa, kim burys, kim teris aıtty, onda osy máselede qatelik ketken bolýy múmkin. Qazaq oqýlyqtarynyń avtorlary QR SІM resmı ustanymdaryn negizge alýlary tıis", - dedi ol.
Bunyń aldynda BAQ-ta belgili bolǵanyndaı, Ýkraına Qazaqstannyń Syrtqy ister mınıstrligine narazylyq notasyn jibergen bolatyn. Sebebi keıbir qazaqstandyq oqýlyqtarda Qyrym Reseı Federatsııasynyń sýbektisi dep kórsetilgen.
