Alǵash ret Qazaqstan ókili BUU áıelderdi kemsitýge qarsy komıtetine múshe bolyp saılandy
NЬıÝ-IORK. KAZINFORM - Birikken Ulttar Uıymynyń Áıelderge qatysty kemsitýshiliktiń barlyq nysandaryn joıý jónindegi konventsııasyna qatysýshy memleketterdiń 23-shi keńesinde 2025-2028 jyldar kezeńine Áıelderge qatysty kemsitýshiliktiń barlyq nysandaryn joıý komıteti (CEDAW) múshelerin saılaý ótti.
Alǵash ret Qazaqstannan kandıdat – belgili qazaqstandyq dıplomat Madına Jarbýsynova CEDAW quramyna saılandy.
Bul mańyzdy tarıhı oqıǵa, óıtkeni buǵan deıin BUU-nyń osy mańyzdy organynda Ortalyq Azııa elderiniń eshqaısysy usynylmaǵan.
Ortalyq Azııa elderi arasynda Qazaqstan – genderlik teńdik salasyndaǵy progress boıynsha kóshbasshy.
Qazaqstan 146 el arasyndaǵy genderlik teńdikti baǵalaý úshin ázirlengen 2023 jylǵy Jahandyq genderlik alshaqtyq ındeksinde 62-shi orynǵa ıe bolyp, pozıtsııasyn jaqsartty jáne 18 orynǵa kóterildi.
Qazaqstanmen qatar CEDAW-da 11 orynǵa 20 memlekettiń ókilderi úmitker boldy – Oman, Shveıtsarııa, Lıvan, Nıderland, Gvatemala, Andorra, Aýstralııa, Nepal, Grýzııa, Chılı, Barbados, QHR, Zımbabve, Býrýndı, Kamerýn, Mozambık, Soltústik Makedonııa, Ýrýgvaı, Ulybrıtanııa jáne Togo.
Aıta keteıik, áıelderge qatysty kemsitýshilikti joıý komıteti (CEDAW) – áıelderge qatysty kemsitýshiliktiń barlyq nysandaryn joıý týraly konventsııaǵa qatysýshy memleketterdiń óz mindettemelerin oryndaýyn baqylaıtyn táýelsiz sarapshylardyń organy.
Komıtet quramyna álemniń túrli elderinen kelgen áıelder quqyqtary jónindegi 23 sarapshy kiredi. Shartqa qatysýshy elder tórt jylda bir ret komıtetke tıisti quqyqtardyń júzege asyrylýy týraly baıandamalar usynýǵa mindetti.
Komıtet óz sessııalary kezinde árbir qatysýshy memlekettiń baıandamalaryn qaraıdy jáne olarǵa óz oılary men usynymdaryn qorytyndy eskertýler túrinde baıandaıdy.
Qazaqstan osy halyqaralyq qujatqa 1998 jyly qosylǵan.
