Qazaqstan ókilderi ıÝNESKO-nyń 75 jyldyǵyna oraı saltanatty is-sharaǵa qatysty

NUR-SULTAN. QazAqparat - ıÝNESKO Bas konferentsııasynyń 41-shi sessııasy sheńberinde Qazaqstannyń Frantsııadaǵy Elshisi, ıÝNESKO janyndaǵy Turaqty ókili Jan Ǵalıev Bilim, ǵylym jáne mádenıet jónindegi Birikken Ulttar Uıymynyń 75 jyldyǵyna arnalǵan arnaıy rásimde sóz sóıledi.

Іs-sharaǵa álemniń 24 eliniń memleket jáne úkimet basshylary, syrtqy ister, bilim jáne mádenıet mınıstrleri, sondaı-aq múshe memleketterdiń elshileri men turaqty ókilderi qatysty, dep habarlaıdy QazAqparat QR Syrtqy ister mınıstrliginiń baspasóz qyzmetine silteme jasap.

Mártebeli jıynǵa arnaǵan sózinde Elshi Qazaqstan Respýblıkasy táýelsizdiginiń 30 jyldyǵyn atap ótý jylynda ótip jatqan is-sharanyń erekshe máni bar ekenin atap ótip, elimizdiń turaqty jáne progressıvti memleket qurýdaǵy negizgi jetistikterin atap ótip, áriptestik rýhynda ıÝNESKO sheńberindegi syndarly yntymaqtastyqtyń odan ári qaryshty damýyna úmit bildirdi.

Sonymen qatar, ol ıÝNESKO-nyń Bas dırektory retinde jańa merzimge saılanýyna baılanysty Odre Azýleni quttyqtaı otyryp, Qazaqstan basshylyǵynyń osy bedeldi halyqaralyq uıym men onyń negizgi organdarynyń dáıekti jumysyna qoldaý kórsetetinin málimdedi.

Turaqty ókil ıÝNESKO basshylyǵyn 2022 jylǵy qyrkúıekte Nur-Sultan qalasynda ótetin Álemdik jáne dástúrli dinder lıderleriniń VII sezine shaqyrdy.

Qazaqstannyń ıÝNESKO-nyń halyqaralyq tizilimine mádenı jáne tabıǵı muranyń ártúrli nysandaryn engizý jónindegi belsendi qyzmetin ataı otyryp, Elshi Qazaqstan Úkimetiniń ıÝNESKO-nyń konventsııalyq qujattaryna sáıkes óz aýmaǵynda Dúnıejúzilik mura eskertkishterine keshendi qorǵaýdy qamtamasyz etý boıynsha turaqty jumys atqarýǵa nyq nıetin rastady.

J. Ǵalıev Qazaqstannyń bastamalaryn qoldaǵany úshin ıÝNESKO-ǵa múshe memleketterge alǵysyn bildirip, Dúnıejúzilik mura komıtetine elimizdiń 2023-2027 jyldarǵa arnalǵanke kandıdatýrasyn qoldaýǵa shaqyrdy.