Qazaqstan OIC-StatCom Bıýrosy tóraǵasynyń orynbasary bolyp saılandy
ASTANA. KAZINFORM - Qazaqstan Respýblıkasy Islam yntymaqtastyǵy uıymynyń Statıstıka jónindegi komıssııasy (OIC-StatCom) Bıýrosy tóraǵasynyń orynbasary (Vice-Chair) bolyp saılandy. Bul týraly OIC-StatCom-nyń 15-sessııasy barysynda jarııalandy, dep habarlaıdy Ulttyq statıstıka bıýrosy.
29–30 qyrkúıek kúnderi Saýd Arabııasy Koroldiginiń Jıdda qalasynda Islam yntymaqtastyǵy uıymynyń Statıstıka jónindegi komıssııasynyń (OIC-StatCom) 15-sessııasy ótedi.
Qazaqstannyń Bıýro tóraǵasynyń orynbasary laýazymyna saılanýy elimizdiń resmı statıstıka salasyndaǵy halyqaralyq yntymaqtastyqty damytýǵa qosqan úlesiniń joǵary baǵalanǵanyn jáne Komıssııaǵa múshe memleketterdiń Qazaqstanǵa degen senimin kórsetedi.
Vice-Chair retinde Qazaqstan Komıssııa Bıýrosynyń jumysyna, onyń ishinde qyzmettiń basym baǵyttaryn talqylaýǵa, IYU-ǵa múshe memleketter arasyndaǵy ózara is-qımyldy nyǵaıtýǵa jáne resmı statıstıka salasynda tájirıbe almasýǵa qatysady. Bul laýazym Qazaqstannyń halyqaralyq statıstıkalyq yntymaqtastyqty nyǵaıtý, ozyq tájirıbemen almasý jáne resmı statıstıka salasynda zamanaýı tásilderdi ilgeriletý múmkindikterin keńeıtedi.
OIC-StatCom 15-sessııasy aıasynda statıstıkany damytýdyń ózekti máseleleri, onyń ishinde IYU-nyń 2026–2035 jyldarǵa arnalǵan bolashaq Іs-qımyl baǵdarlamasyn monıtorıngteý, halyq jáne turǵyn úı statıstıkasyn jańǵyrtý, 2025 jylǵy Ulttyq shottar júıesin engizý, sondaı-aq Turaqty damý maqsattarynyń kórsetkishterin monıtorıngteý máseleleri talqylanýda.
Osyǵan deıin Qazaqstan men Koreıa statıstıkada jasandy ıntellekt pen Big Data-ny birge damytatyny týraly jazdyq.
