Qazaqstan obektıvti qylmystyq statıstıkaǵa qol jetkizdi - A. Shpekbaev
ASTANA. 24 qańtar. QazAqparat - Qazaqstanda obektıvti qylmystyq statıstıka bar dep aıtýǵa tolyq negiz bar.
Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte QR Prezıdenti Ákimshiligi quqyq qorǵaý júıesi bóliminiń meńgerýshisi Alık Shpekbaev málim etti.
Onyń sózine qaraǵanda, qylmysty tirkeý boıynsha keshendi sharalardy engizýdiń arqasynda kóp jyldardan beri alǵash ret Qazaqstanda obektıvti statıstıka paıda boldy.
Belgili bolǵandaı, ótken jyly esepti-tirkeý tártibin buzǵany úshin qylmystyq qýdalaý organdary qyzmetkerlerine qatysty 108 qylmystyq is qozǵalǵan eken.
«Prokýrorlardyń usynysymen jáne qaýlysymen tártiptik jaýapkershilikke 2 493 qyzmetker tartyldy. Jyl saıyn jasyrylatyn 200 myńnan astam qylmys "kóleńkeden" shyǵaryldy», - dep naqtylap ótti A. Shpekbaev.
