Qazaqstan nysana kózdeýden álem chempıonatynda taǵy 2 medal jeńip aldy
ASTANA. QazAqparat – Ázerbaıjan astanasy Bakýde nysana kózdeýden ótip jatqan álem chempıonatynda qazaqstandyqtar taǵy 2 medal jeńip aldy, dep habarlaıdy QazAqparat tilshisi.
Sportty damytý dırektsııasynan málim etkenindeı, bul joly Aleksandra Sádýaqasova altynǵa qol jetkizse, Zýhara Ernazarova kúmisti qanaǵat tutty.
Aýyspaly rıtmmen 10 metrden jyljymaly nysana kózdeýde Zýhra men Aleksandra fınalda negizgi kezeńde 378 upaımen teń tústi. Qosymsha synda Aleksandra mergendik tanytyp (19:13), chempıon atandy.
Keshe Zýhra jeńimpaz bolsa, Aleksandra ekinshi orynnan kóringen edi.
Qazirgi kezde Qazaqstan quramasy nysana kózdeýden álem birinshiliginde 2 altyn, 2 kúmis, 1 qola júldemen jalpy esepte 9-orynǵa kóterildi.
Eske sala keteıik, budan buryn qazaqstandyq mergenniń nysana kózdeýden álem chempıony atanǵanyn jazǵan edik.
