Qazaqstan notarıýstary Úkimet bekitken biryńǵaı tarıfpen jumys isteýi tıis - Z.Baımoldına

ASTANA. QazAqparat - Qazaqstan notarıýstary Úkimet bekitken biryńǵaı tarıfpen jumys isteýi qajet. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Ádilet vıtse-mınıstri Záýresh Baımoldına málim etti.

Onyń atap ótýinshe, ótken jyly elimizde tirkelgen notarıýstardyń sany artqan. Búginde respýblıkada 3 myńnan astam notarısýs jumys isteýde. Al 2012 jyly olardyń sany 2828 bolatyn. Sondaı-aq Qazaqstanda 4341 advokat bar.

«Bizde notarýıstarǵa qatysty tólem kólemi Úkimet qaýlysymen naqty anyqtalǵan. Notarıat qyzmetteri boıynsha biryńǵaı tarıf bekitilgen jáne elimizdegi barlyq notarıýstar osy tarıfterge sáıkes jumys isteıdi», - dedi Z.Baımoldına.

Vıtse-mınıstrdiń atap ótýinshe, nusqaýlyqqa sáıkes barlyq notarıýstar atalǵan tarıfterdi ózderiniń notarıaldy keńselerinde kórnekti jerge ilip qoıýǵa mindetti.

«Advokattar qyzmeti tólemine qatysty aıtar bolsam, eger Azamattyq is júrgizý kodeksin alyp qarar bolsaq, onda tólem klıentpen jasalǵan kelisimshart negizinde júzege asyrylady. Atalmysh kodekske sáıkes advokattar tólemi klıenttiń paıdasyna óndiriletin somanyń 10 paıyzynan aspaýy tıis», - dedi ol.