Qazaqstan-Norvegııa matchy: Fýtbol federatsııasy eskertý jarııalady

ALMATY. KAZINFORM - Búgin 19:00-de Almaty Ortalyq stadıonynda ÝEFA Ulttar lıgasy aıasynda Qazaqstan men Norvegııa quramalary arasynda match ótedi. Oıyn aldynda Qazaqstan Fýtbol federatsııasy jankúıerlerge eskertý jarııalady.

- Kezekte turyp qalmas úshin sizderden stadıonǵa 2 saǵat buryn kelýlerińizdi suraımyz. Sizder úshin qyzyqty baǵdarlama daıyndaldy. Kelińizder, match aldynda qóńildi ýaqyt ótkizińizder. Stadıonǵa saǵat 17:00-den bastap kirýge bolady, - dep habarlady QFF baspasóz qyzmeti.

Eske salaıyq, buǵan deıin «Qazaqstan-Norvegııa» matchyna bılet qoldan-qolǵa qanshaǵa satylyp jatqanyn jazǵan edik. 

Erlıng Holand pen Martın Edegor syndy álemdik fýtbol juldyzdary qatysatyn oıynǵa bıletterdi satý 20 tamyzda bastalyp, bir táýlikte bári ótip ketken. Áýelde bılet quny 2-10 myń aralyǵynda tek onlaın satylǵan. 

Sondaı-aq, Qazaqstan fýtbol federatsııasy alypsatýdyń aldyn alý úshin satyp alynǵan bılet match bastalýyna 2 saǵat qalǵanda kórsetken poshtaǵa keletinin habarlaǵan.