Fýtboldan Qazaqstan áıelder quramasynyń álemdik reıtıngidegi orny jaqsardy
ASTANA. KAZINFORM – Halyqaralyq fýtbol federatsııasy keıingi jarystardy saralaı kele, áıelder arasyndaǵy quramalardyń reıtıngin jańartty.
Bul tizimde Qazaqstan áıelder quramasy 113-orynnan 97-orynǵa kóterildi. Osylaısha fýtbolshylarymyz úzdik 100 quramanyń qataryna endi.
Eske salsaq, buǵan deıin fýtboldan Qazaqstan áıelder quramasy álem chempıonatyna irikteý kezeńin bastaǵanyn jazǵanbyz. Alǵashqy oıyndy Armenııaǵa qarsy ótkizip, iri eseppen jeńiske jetti.
Ókinishke qaraı ekinshi oıynda qurama fýtbolshylary Belarýs fýtbolshylarynan jeńilip qaldy.
