Qazaqstan nysana kózdeýden Gran-prı kezeńinde tórt medal jeńip aldy
ASTANA. KAZINFORM — Qazirgi tańda Shymkentte nysana kózdeý jáne stend atýdan Gran-prı kezeńi ótip jatyr.
Ulttyq qurama týrnır aıasynda nysana kózdeýden tórt medal jeńip aldy: eki altyn, bir kúmis jáne bir qola.
Eresekter arasynda 10 metr qashyqtyqtan pnevmatıkalyq tapanshamen nysana kózdeýden Kırıll Tsýkanov 244.4 upaı enshilep, altyn medal jeńip aldy.
Áıelder arasynda dál osy saıysta Irına ıÝnýsmetova 242,5 upaı enshilep, altyn tuǵyrǵa kóterildi.
QR UOK málimetinshe, jasóspirim qyzdar arasynda 10 metr qashyqtyqtan pnevmatıkalyq tapanshamen nysana kózdeýden Alıssa Kradenova 232.1 upaımen kúmis medalǵa qol jetkizdi. Uldar arasynda Rýslan Ershov 213.9 upaımen úshinshi orynǵa jaıǵasyp, qola júldege ıe boldy.
Aıta keteıik, Ózbekstanda Qazaqstan erler quramasy ústel tennısinen shırek fınalǵa joldama aldy.
