«Qazaqstan-Nıderlandy» fýtbol matchy kezinde kólik qozǵalysy shekteledi
ASTANA. QazAqparat - 10 qazanda saǵat 22.00-de «Astana Arena» stadıonynda Eýropa Chempıonaty-2016 irikteý týrnıri aıasynda Qazaqstan men Nıderlandy quramalary kezdesedi. Osyǵan baılanysty 10 qazan kúni, saǵat 19.00-den bastap matchtyń aıaqtalýyna deıin Qabanbaı batyr dańǵyly men Turan dańǵyly qıylysy, Kereı Jánibek handary kóshesinen Hýseın Ben Talal kóshesine deıin qoǵamdyq kólikter men taksıden basqa kólik túrleri úshin jol qozǵalysy shekteledi. Usynylatyn aınalma joly - Orynbor kóshesi.
Astana qalasynyń halyqaralyq áýejaıyna saparǵa shyǵatyn azamattar men áýejaı mańynda turatyn eldi mekenderdiń turǵyndary jol marshrýtyn aldyn ala josparlaýy qajet.
Atalǵan jol boıyndaǵy júktemeni jeńildetý maqsatynda Astana qalasynyń ІІD Ákimshilik polıtsııa basqarmasy elorda turǵyndary men qonaqtaryn fýtbol matchyna bararda qoǵamdyq kólikterdi paıdalanýǵa shaqyrady.
Fýtbol jankúıerleri «Astana-Arena» stadıonyna № 10, 12, 27, 40, 43, 51, 55 qoǵamdyq kólikterimen qatynaı alady.
Sondaı-aq, kórermender úshin arnaıy avtobýs-shattldary uıymdastyrylady. Saǵat 19.00-de Q. Munaıtpasov atyndaǵy stadıony, «Qazaqstan» sport saraıy, «Haziret Sultan» meshiti, «Nur Astana» meshiti, Qabanbaı batyr kóshesi boıyndaǵy elordalyq tsırki, Jeńis dańǵyly boıyndaǵy «Jastar» teatry aldynda arnaıy qoǵamdyq kólikter jolaýshylardy jınap alady, dep habarlaıdy elorda ákimdiginiń baspasóz qyzmeti.
Arnaıy avtobýs-shatldardyń jol júrý quny qoǵamdyq kólikterdiń baǵasymen birdeı bolyp keledi. Jol júrý bıleti jaramsyz.
Oıyn aıaqtalǵannan keıin «Astana-Arena» stadıonynan avtobýs-shattldary men № 10, 12, 27, 28, 30, 40, 43, 51, 55, 61 qoǵamdyq kólikterimen qaıtýǵa bolady.
Elordalyq polıtseılerdiń aıtýynsha, buryn ótkizilgen sharalarǵa sáıkes jankúıerlerdiń qoǵamdyq kólikterdi paıdalanǵany tıimdi ekeni dáleldendi.
