Qazaqstan nevrologtarynyń І sezi bastaldy
ASTANA. 23 qazan. QazAqparat - Búgin Astanada Qazaqstan nevrologtarynyń І sezi resmı túrde ashyldy.
Astana medıtsınalyq ýnıversıtetiniń rektory Májıt Shaıdarov atap kórsetkendeı, búgin kúndiz sheteldik mamandardyń qatysýymen birneshe sheberlik synyptar uıymdastyryldy. Al sezd jumysynyń resmı túrde bastalýymen nevrologııanyń ózekti máselelerine arnalǵan ǵylymı-tájirıbelik konferentsııany ótkizý josparlanyp otyr. «Sezd jumysyna Qazaqstannyń barlyq óńirlerinen 400-den astam delegat, atap aıtqanda, nevropatologtar, neırohırýrgter, angıohırýrgter, reabılıtologtar, sáýleli dıagnostıkanyń dárigerleri, oqytýshylar, praktık-dárigerler qatysýda. Sondaı-aq Túrkııa, Avstrııa, Italııa, Ispanııa, Danııa, Izraıl, Reseı jáne Belarýs elderinen arnaıy shaqyrylǵan sheteldik mamandar sezge moderatorlyq etedi jáne baıandamalar jasaıdy», - deıdi M.Shaıdarov. Sezd jumysy 25 qazanǵa deıin jalǵasady.
