Qazaqstan nelikten atom energetıkasyna kóshýi tıis – maman pikiri

ASTANA. KAZINFORM – Astanada túrli elderdiń jetekshi sarapshylary men ǵalymdaryn jınaǵan «Qazatomekspo» atom energetıkasynyń halyqaralyq kórmesi sátti aıaqtaldy. Іs-shara atom energetıkasyn damytýdyń negizgi máselelerine jáne onyń turaqty energetıkalyq bolashaqty qamtamasyz etýdegi róline nazar aýdardy.

Qazaqstannyń elektro energetıkalyq qaýymdastyǵynyń tóraǵasy Talǵat Temirhanov ıadrolyq energetıkaǵa kóshý kómir ónerkásibine jumsalatyn shyǵyndardyń artýyna ǵana emes, sonymen qatar kómirtegi shyǵaryndylaryn azaıtý jónindegi halyqaralyq mindettemelerdi oryndaý qajettiligine de baılanysty ekenin atap ótti.

«Energetıka sektorynyń damyp kele jatqanyna 7-10 jyl bolyp qaldy, osyndaı jaǵdaıda bizge naqty sheshim qabyldaý kerek. Bolashaqta bizge ne mańyzdy? Kómir óndirisin qoldaýǵa qarajat quıatyn bolsaq, biz ekologııalyq mindettemelerimizdi oryndaı almaımyz. Nemese qazir biz damý vektorymyzdy ekologııalyq turǵydan yńǵaıly baǵytqa burýymyz kerek. Bul – shyǵaryndylary joq atom, qaldyqtary óte az mólsherde qalyptasady, sondaı-aq 2 myńdaı jumys ornyn qurýǵa múmkindik beredi. Qazaqstandyqtar joǵary tehnologııalyq nysanda jumys isteıtin bolady, olardyń biliktiligi ósedi», - dep atap ótti spıker.

Atom elektr stantsııalary óndiretin elektr energııasynyń quny týraly máselege jaýap retinde Talǵat Temirhanov bolashaq tarıfter búgingiden kóp bolmaıtynyn aıtty.

«Qazir bizdiń kóptegen otandastarymyz atom elektr stantsııasy arqyly óndiriletin elektr energııasy qymbat bolady dep qatelesedi. Bizdiń baǵalaýymyz boıynsha, bul biz kórshilerimizden alatyn eń joǵary júktemelerdegi energııa úshin tóleıtin baǵadan qymbat bolmaıdy. Biz eń joǵary júktemege shamamen 30-40 teńge kóleminde kórshilerimizden elektr energııasyn satyp alamyz. Nelikten? Sebebi bizde osy dınamıkalyq qubylystardyń barlyǵyn jeńildetetin biryńǵaı satyp alý tetigi bar», - dep atap ótti Talǵat Temirhanov.