«Qazaqstan - Nazarbaev - Astana» sózderi álemdik qaýymdastyqpen Jetistiktiń, Damýdyń jáne Úndestiktiń jarqyn úlgisi retinde qabyldanady - QHA quttyqtaýy
«Tuńǵysh Prezıdentimiz, Elbasy N.Á.Nazarbaevtyń elordasyn Astanaǵa kóshirý týraly batyl da ǵalamat bastamasy Qazaqstan jetistikterin aıqyndaǵan, tarıhı mańyzǵa ıe taǵdyrly sheshimine aınaldy.
HHІ ǵasyrdaǵy Qazaqstan Táýelsizdiginiń aıbyndy rámizi - Astana álemniń jańa tarıhyna halyqaralyq únqatysý men jańa jemisti ıdeıalardyń ortalyǵy retinde endi. Búginde bizdiń elordamyz Álemdik jáne dástúrli dinder sezi, AÓІSShK, G-global, ıadrolyq qarýsyz álem, beıbitshilik pen kelisim saıasaty, Qazaqstan halqy Assambleıasy uǵymdarymen úndes. Halyqaralyq deńgeıdegi is-sharalar, álemdik alpaýyt elder kóshbasshylarynyń sapary, TMD aýmaǵynda alǵash ret EKSPO - 2017 halyqaralyq kórmesin ótkizý t.b. munyń shynaıy aıǵaǵy.
«Qazaqstan - Nazarbaev - Astana» sózderi álemdik qaýymdastyqpen Jetistiktiń, Damýdyń jáne Úndestiktiń jarqyn úlgisi retinde qabyldanady.
15 jyl ishinde Astana mádenıet pen saıasattyń bastamashyl ortalyǵyna, Qazaqstan halqynyń rýhanı ósýiniń, birligi men uıysýynyń ózegine aınaldy. Elbasynyń ǵalamat jobasy álemge tanymal etnosaralyq toleranttylyq pen qoǵamdyq kelisimniń úlgisine aınalǵan ulttyq uıysýdyń ózindik jolyn qalyptastyrýǵa yqpal etti.
Búginde Qazaqstan álemge óziniń biregeı «qazaqstandyq jolyn» kórsete otyryp, «2050 jyly qýatty memleket, damyǵan ekonomıka men jalpyǵa ortaq eńbek múmkindikteriniń negizinde berekeli qoǵam» qurý týraly negizgi maqsatyn aıqyndady.
Eýrazııa kindiginde ornalasqan qala Eýropa men Azııa arasyndaǵy altyn kópir rólin atqarýda. Munda Shyǵys pen Batys dástúrleri ózara qaýyshyp, birin biri tolyqtyryp jatyr, mádenıetter men órkenıetterdiń shyǵaıy únqatysýy oryn alýdy.
Búgingi Astana - bul kemel oıy men qýatty bastamalary shartarapqa jaıylǵan Elbasy Nursultan Ábishuly Nazarbaevtyń armanynyń aqıqatqa aınalýy.
Bul Prezıdenttiń óz eli men halqynyń keleshegi úshin jasaǵan tarıhı jeńisi! Bul Prezıdenttiń óz halqyna degen alǵysy men qurmeti!
Biz jas elordamyz - Astananyń Beıbitshilik pen Kelisimniń belgisi, halyqaralyq únqatysý men toleranttylyqtyń ortalyǵy retinde qaryshtap damýyna tilektespiz!
Ýaqyt bizdiń ómirimizge tek qýanyshyn, shattyǵyn jáne jeńisterin alyp kelsin. Barshyńyzǵa zor densaýlyq, amandyq, baqyt pen bereke tileımiz!
Súıikti elordamyz Astananyń týylǵan kúni qutty bolsyn!», delingen QR QHA Keńesiniń quttyqtaý habarlamasynda.
