Qazaqstan NASA-men birlesken ǵarysh jobalaryn júzege asyrýǵa nıetti
ASTANA. KAZINFORM — Kelissózder barysynda taraptar qazaqstandyq-amerıkandyq yntymaqtastyqty damytý perspektıvalaryn talqylap, ǵarysh ǵylymy, astrofızıka, spýtnıktik tehnologııalar jáne Jerdi qashyqtyqtan zondtaý salasyndaǵy birlesken jobalardy iske asyrýǵa erekshe nazar aýdardy.
Búgin Baıqońyr ǵarysh aılaǵynda Premer-mınıstrdiń orynbasary — Jasandy ıntellekt jáne tsıfrlyq damý mınıstri Jaslan Mádıevtiń AQSh-tyń Ulttyq aeronavtıka jáne ǵarysh keńistigin zertteý basqarmasynyń (NASA) basshysy Djared Aızekpanmen jumys kezdesýi ótti.
Kelissózder barysynda taraptar qazaqstandyq-amerıkandyq yntymaqtastyqty damytý perspektıvalaryn talqylap, ǵarysh ǵylymy, astrofızıka, spýtnıktik tehnologııalar jáne Jerdi qashyqtyqtan zondtaý salasyndaǵy birlesken jobalardy iske asyrýǵa erekshe nazar aýdardy.
Kezdesýge qatysýshylar sonymen qatar eki eldiń ǵylymı uıymdary men ýnıversıtetteri arasyndaǵy ózara is-qımyldy keńeıtý múmkindikterin, onyń ishinde joǵary bilikti mamandardy daıarlaý baǵdarlamalaryn jáne ǵarysh salasyndaǵy kommertsııalyq yntymaqtastyqty damytý máselelerin qarastyrdy.
Jaslan Mádıev NASA-men seriktestiktiń ulttyq ǵylymı-tehnologııalyq áleýet úshin strategııalyq mańyzyn atap ótti.
— Qazaqstan NASA-men naqty nátıjelerge baǵyttalǵan uzaq merzimdi praktıkalyq ózara is-qımyl ornatýǵa, ıaǵnı birlesken zertteý jobalaryn júzege asyrýǵa, ınnovatsııalyq tehnologııalardy engizýge jáne jańa býyn mamandaryn daıarlaýǵa múddeli, — dedi ol.
Kezdesý qorytyndysy boıynsha taraptar aldaǵy dıalogqa daıyn ekendikterin rastap, beıindik komandalarǵa yntymaqtastyqtyń praktıkalyq áriptestik josparyn ázirleýdi tapsyrdy.
Aıta ketelik «Baıqońyr» ǵarysh aılaǵy álemdik týrıstik ortalyqqa aınalatyny týraly jazǵan edik.
