Qazaqstan naryǵyna sapasyz taýarlar shyǵarýǵa qatań shekteý qoıylmaq
«Qazaqstan Respýblıkasynyń jańa Keden kodeksiniń negizin Eýrazııalyq ekonomıkalyq odaqtyń jańa Keden kodeksi qurap otyr.
Osy qujatty qalyptastyrý kezinde biz qoldanystaǵy QR Keden kodeksiniń normalary qurylysynyń logıkasyn negiz etip aldyq. Birinshi kezekte bul eki qujattyń ornyna bir qujatty paıdalanýdyń yńǵaıly bolýyna baılanysty. Osylaısha, Kodeks jobasynda Eýrazııalyq ekonomıkalyq odaqtyń Keden kodeksiniń erejeleri tolyǵymen ımplementatsııalanǵan, ulttyq zańnamaǵa silteme normalar kórsetilgen, sondaı-aq EAEO Kodeksinde rettelmegen quqyqtyq qatynastar belgilengen», - dep atap ótti Ulttyq ekonomıka mınıstri Tımýr Súleımenov óz baıandamasynda.
Onyń sózine qaraǵanda, Eýrazııalyq ekonomıkalyq odaqtyń Keden kodeksiniń elektrondyq deklaratsııalaýǵa, «bir tereze» tetigine, taýarlardy avtomatty túrde shyǵarýǵa baılanysty kedendegi bıznes-protsesterdi avtomattandyrý bóligindegi negizgi tásilderi jańa jobada tolyq kórsetilgen. Memleket basshysynyń «Ult jospary - 100 naqty qadam» baǵdarlamasyn iske asyrý úshin «Postfaktým» kedendik tazartý rejimi dep atalatyn kedendik deklaratsııa berilgenge deıin málimdeme boıynsha shyǵarylatyn taýarlar tizbesi keńeıtiledi.
«Jobada keden isi salasyndaǵy qyzmetti júzege asyratyn tulǵalarǵa arnalǵan jeńildetýler qamtylǵan. Máselen, olardyń mindetteriniń biri belgilengen merzimde eseptilikti usyný bolyp tabylady. Qoldanystaǵy normalarǵa sáıkes, eseptilikti ýaqtyly usynbaǵan jaǵdaıda tulǵa tizilimnen alyp tastalýǵa tıis. Jańa zańnama tulǵanyń qyzmetin toqtata turýǵa jáne buzýshylyq joıylǵannan keıin qaıta bastaýǵa múmkindik beredi», - dep túsindirdi T. Súleımenov.
Sonymen qatar ol Qazaqstan Respýblıkasynyń tranzıttik áleýetin damytý maqsatynda Kodekste kedendik operatsııalardy ońtaılandyrý boıynsha birqatar normalar kózdelgenin atap ótti. Qoldanystaǵy kodekste 24 saǵatta kedendik tranzıtti aıaqtaý kózdelgen bolatyn, jańa Kodekste rásimdi aıaqtaý úshin 4 saǵattan aspaıtyn jumys ýaqyty berilgen. Budan basqa, tranzıttik júkterdi kedendik tekserip qaraýdy júrgizý qajet bolǵan jaǵdaıda, olardy júrgizý merzimi on kúnnen bes kúnge deıin qysqartyldy.
«Kóliktiń eki jáne odan da kóp túrimen taýarlardy tasymaldaý kezinde tranzıtti resimdeýde belgili bir qıyndyqtar boldy. Kóliktiń árbir túrine jeke tranzıttik deklaratsııa resimdelgen edi. Jańa Keden kodeksinde bir tranzıttik deklaratsııa resimdeý múmkindigi berilgen, bul mýltımodaldy tasymaldaý rásimin edáýir jeńildetedi.
Jańa zań jobasy sheńberinde búgingi kúni bıznes qoǵamdastyq, sol sııaqty memlekettik organdar tarapynan da birqatar narazylyq týdyryp otyrǵan máseleler óz sheshimin tapqandyǵyn atap ótý qajet.
Máselen, bul taýarlar shyǵarylǵannan keıin keden organdaryna sáıkestik sertıfıkattary usynylatyn shartty túrde shyǵarylǵan taýarlarǵa qatysty bolyp otyr. Jobada Úkimettiń jekelegen taýarlardy, ıaǵnı balalar taýarlaryn, oıynshyqtardy, gıgıena zattaryn shartty túrde shyǵarýǵa tyıym salý jónindegi quzyreti kózdelip otyr. ıAǵnı, bul taýarlar sáıkestik sertıfıkattaryn berý arqyly qaýipsizdigi rastalǵan jaǵdaıda ǵana keden arqyly ótkizilýi múmkin», - dedi vedomstvo basshysy.
Munymen qosa, jobada tehnıkalyq retteý, qoǵamdyq densaýlyqty qorǵaý jáne keden isi salasyndaǵy ýákiletti organdardyń taýarlar shyǵarylǵannan keıin sáıkestik sertıfıkattaryn berý tártibi men merzimin belgileý jónindegi birlesken buıryǵyna silteme norma qamtylǵan. Budan basqa osyndaı taýarlarǵa sertıfıkat usynǵanǵa deıin ıelik etýge tikeleı tyıym salynǵan.
