Qazaqstan naryǵyna reseılik týrıstik operatorlardyń kirý qaýpi bar - M.Pishembaev
ASTANA. QazAqparat - Qazaqstan naryǵyna reseılik týrıstik operatorlardyń kirý qaýpi bar. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Kólik jáne kommýnıkatsııa vıtse-mınıstri Mereke Pishembaev málim etti.
Vıtse-mınıstr óz sózinde «Gúlnár týr» kompanııasyna qatysty oryn alǵan jaıttardan keıin elimizdegi týrıstik sala qıyndyqqa ushyrap otyrǵandyǵyn atap ótti. Sonymen birge qazaqstandyq naryqqa reseılik týroperatorlardyń kirý múmkindigin de joqqa shyǵarmady.
«Árıne, mundaı qaýip bar. Degenmen, bizdiń ózimizde de jaqsy týrıstik kompanııalar jetkilikti. Buǵan qosa, bul máselemen bizdiń ulttyq kásipkerler palatasy da belsendi aınalysyp jatqanyn bilemin. Biz jaı ásheıin ǵana naryqty berip qoımaımyz dep oılaımyn», - dedi M.Pishembaev.
