Qazaqstan nan baǵasy arzan elderdiń bestigine kirdi

ASTANA. QazAqparat – Qazaqstan nan baǵasy arzan álemdegi 5 eldiń qataryna kiredi, dep habarlaıdy QazAqparat.

Energyprom.kzportalynyń Numbeo málimetterine silteme jasap jazýynsha, álemde nanǵa eń tómengi baǵa Týnıste tirkelgen. Bul eldi salmaǵy jarty keli bolatyn 1 bólke nan 0,14 dollar turady. Odan keıingi orynda Aljır (0,16 dollar) men Lıvııa (0,34) tur. Úzdik bestikti Qazaqstan (0,36) men Ózbekstan (0,7) túıindeıdi.

TMD elderinde 0,5 kelilik bir bólke nan Ázerbaıjanda – 0,39, Moldovada – 0,43, Ýkraınada – 0,58, Reseıde – 0,61, Belarýsta – 0,64, Armenııada 0,65 dollar turady.

Álemdegi nannyń baǵasy eń qymbat elder mynalar: Amerıka Qurama Shtattary – 3,27 dollar, Shveıtsarııa – 3,21 dollar, Islandııa – 2,93 dollar.