Qazaqstan namysyn qorǵap júrgenimdi maqtan tutamyn – Elena Rybakına

ASTANA. KAZINFORM — 2022 jylǵy Ýımbldon jáne bıylǵy qorytyndy týrnırdiń jeńimpazy, álemniń 5-raketkasy Elena Rybakına jankúıerlerine sóz arnady.

Qazaqstandyq tennısshi Instagram áleýmettik jelisindegi paraqshasynda 2025 jyldyń qorytyndysymen úndeý jarııalady.

- Qymbatty dostar, meniń súıikti jankúıerlerim! Sizderdiń árqaısyńyzǵa myqty qoldaýlaryńyz – minbede, ekranda, jibergen habarlamada jáne matchtan keıingi jyly sózderińiz úshin alǵys aıtamyn. 

Men Qazaqstan namysyn qorǵap, sizderge jaqsy kóńil-kúı men jeńister syılap júrgenimdi maqtan tutamyn. Ásirese, qolyna qalaqsha ustaǵan balalardyń kóbeıgenin kórgende, erekshe qýanamyn. Eger meniń oıynym sizderdi armandaýǵa, eńbek etip, ózderińizge senýge jetelese, sol – men úshin eń úlken jeńis. 

Alda qysqa demalys, sosyn jańadan daıyndyq bastalady. Jeńiste de, qıyn kúnderde de birge bolǵandaryńyz úshin rahmet. Sizderdiń senimderińiz maǵan kúsh beredi. Kortta kezdeskenshe. Alǵa, Qazaqstan! – dep jazdy Elena Rybakına. 

Eske sala keteıik, budan buryn Elena Rybakınanyń álemdik reıtıngide úzdik bestikke engenin jazǵan edik.