Qazaqstan «N» blogynda «Konoko Fıllıps» amerıkandyq kompanııasynyń úlesin 30 mln. AQSh dollarynan astam qarjyǵa aldy

ASTANA. 4 aqpan. QazAqparat - Qazaqstan «N» blogynda «Konoko Fıllıps» amerıkandyq kompanııasynyń úlesin 32 mln. AQSh dollaryna aldy.

Bul týraly búgin Astanada QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Munaı jáne gaz mınıstri Saýat Myńbaev málim etti.

Sonymen qatar mınıstrdiń aıtýynsha, «QazMunaıGaz» kompanııasynyń Qashaǵan ken ornynda «Konoko Fıllıps» úlesin ıelenýi jónindegi másele Úkimet deńgeıinde talqyǵa salynbaq.

«Qazaqstan Qashaǵandaǵy «Konoko Fıllıps» úlesin áli satyp alǵan joq. Vedomstvoaralyq komıssııa óziniń jumysyn jalǵastyryp jatyr. Sheshim qabyldaý úshin bizde ýaqyt bar. Eger de úndistandyq ulttyq kompanııa satyp alýǵa nıettengen baǵaǵa toqtalatyn bolsaq, ol - 5 mlrd. dollarǵa baǵalanǵan edi»,-dep túıdi S. Myńbaev.