Qazaqstan Mıýnhendegi Sırııany qoldaýshy halyqaralyq top qatysýshylary kezdesýi qorytyndylaryn qoldaıdy
ASTANA. QazAqparat - Qazaqstan Respýblıkasy Syrtqy ister mınıstrligi Mıýnhende 11-12 aqpanda ótken Sırııany qoldaýshy halyqaralyq top qatysýshylarynyń kezdesýi qorytyndylaryna oraı málimdeme jarııalady.
«Qazaqstan 11-12 aqpanda Mıýnhende ótken Sırııany qoldaýshy halyqaralyq top (SQHT) qatysýshylarynyń kezdesýi qorytyndylaryn tolyǵymen qoldaıdy.
Qorshaýdaǵy aımaqtarǵa gýmanıtarlyq dálizdiń ashylýy týraly sheshimdi jáne memlekettiń barlyq aımaǵyndaǵy soǵys áreketterin toqtatý sharttaryn bir apta ishinde anyqtaýdy Sırııadaǵy qaqtyǵysty retteýdegi eleýli ári úmittendiretin serpin jáne osy eldegi gýmanıtarlyq apatty eńserý jolyndaǵy sheshýshi qadam retinde qarastyrastyramyz.
Qol jetkizilgen ýaǵdalastyqtardyń SQHT-nyń barlyq qatysýshylary tarapynan BUU Qaýipsizdik Keńesiniń 2254 qarary rýhynda dáıekti jáne sózsiz túrde júzege asyrylýy Sırııadaǵy qantógistiń eń jýyq arada toqtaýyna jáne eldegi qalypty jaǵdaıdyń qaıta ornaýyna yqpal etetindigine senimdimiz», -delingen SІM málimdemesinde.
