Qazaqstan Mysyrmen aradaǵy áýe baılanysyn qalpyna keltiredi
ASTANA. QazAqparat - 2016 jyldyń naýryzynan bastap «SCAT» áýekompanııasy Almaty - Sharm-el-Sheıh - Almaty baǵyty boıynsha tikeleı áýe reısin oryndaýdy josparlap otyr. Bul týraly QR IDM baspasóz qyzmetinen habarlady.
«Fly Egypt» áýekompanııasy da bıyl naýryz aıynan bastap aptasyna eki ret Qazaqstanǵa turaqty áýe reısin júzege asyrýdy kózdep otyr. Áýekompanııasy qajetti qujattardy usynǵannan keıin Azamattyq avıatsııa komıteti 30 kúnniń ishinde ruqsat beretin bolady.
Qazaqstan men Egıpet arasynda turaqty áýe baılanysyn ashý máselesin sheshý úshin QR IDM AAK Mysyrdyń avıatsııalyq qaýipsizdik, qazaqstandyq týrıstik qaýymdastyq qyzmetkerlerimen birge ınspektsııalyq tekserý júrgizdi. Sharm-el-Sheıh qalasynyń (Egıpet) halyqaralyq áýejaıynyń avıatsııalyq qaýipsizdik júıesin sholý qorytyndysy boıynsha oń tujyrym berildi.
Esterińizge sala keteıik, 2015 jyly 31 qazanda Mysyrda reseılik ushaqtyń apatynan keıin QR IDM Azamattyq avıatsııa komıteti Mysyr áýekompanııalarynyń Qazaqstanǵa jáne qazaqstandyq áýekompanııalarynyń Mysyrǵa ushýyn ýaqytsha toqtatý týraly usynys bergen bolatyn.
