Qazaqstan Mysyrǵa astyq eksportyn qaıta jandandyrady
Elshiniń aıtýynsha, 2008-2010 jyldary Mysyrǵa Qazaqstannan jyl saıyn shamamen 1 mln tonna astyq eksporttalyp kelgen. Alaıda, sońǵy ýaqytta Mysyrda oryn alǵan saıası tolqýlar men eki tóńkeristiń saldarynan astyq eksporty tyıylǵan.
«Qazirgi ýaqytta Qazaqstannyń «Azyq-túlik kelisimshart korporatsııasy» Mysyr astyqqa qatysty ótkizetin tenderlerge qatysýǵa nıetti ekendigin bildirip otyr. Buǵan qosa, jeke bızneske de úmit bar. Qazirdiń ózinde eki eldiń arasynda 10 mıllıon dollarǵa astyq pen maıly dándi-daqyldardy jetkizýge kelisimshart jasalyp otyr», - dedi Arman Isaǵalıev.
Onyń dereginshe, Mysyr jylyna 10-12 mılllıon tonna astyqty syrttan satyp alyp otyr. Sondyqtan da búginde bul el óz aýmaǵynda qazaqstandyq astyq termınalyn ashýǵa jáne onyń óńirdegi ózge de elderge shyǵarýǵa nıet tanytýda.
