Qazaqstan Mysyrdy Afrıkanyń qaqpasy retinde qarastyrady - SІM
QR Syrtqy ister mınıstriniń orynbasary Almas Aıdarov bastaǵan delegatsııany elimizdiń 13 óńirinen barǵan 60-tan astam qazaqstandyq kompanııa, sondaı-aq memlekettik organdar men kvazımemlekettik qurylymdardyń ókilderi tanystyrdy. Forýmǵa Mysyr tarapynan iskerlik qoǵamdastyqtyń 200-den astam ókili, sondaı-aq Syrtqy ister mınıstriniń orynbasary Tarık ál-Ýasımı, Ońtústik Sınaı provıntsııasynyń gýbernatory Haled Fýda, Mysyr saýda palatalary federatsııasynyń basshysy Ibrahım ál-Arabı qatysty.
Eske sala ketsek, 2019 jylǵy 6 naýryzda Nur-Sultan qalasynda Qazaqstan-Mysyr bıznes-forýmy ótti, oǵan eki eldiń 100-den astam bıznes ókilderi qatysty.
Qazaqstan Elshisi Qaırat Lama Sharıftiń aıtýynsha, qos tarap eki el arasyndaǵy saýda-ekonomıkalyq jáne ınvestıtsııalyq baılanystardyń deńgeıin odan ári arttyrý úshin ózara is-qımyldyń barlyq baǵyttary boıynsha yntymaqtastyqty arttyrýǵa nıetti.
«Qazaqstan Mysyrdy Afrıkanyń «qaqpasy» retinde qarastyra otyryp, ekijaqty iskerlik keńes pen saýda-ekonomıkalyq yntymaqtastyq jónindegi úkimetaralyq komıssııanyń kómegimen eksportty ary qaraı ilgeriletýge daıyn. Eýrazııalyq ekonomıkalyq odaqqa múshe elder men Mysyr arasyndaǵy erkin saýda týraly kelisimge qol qoıý qazaqstandyq ónim eksportyn ulǵaıtýǵa qosymsha serpin beredi, bul halqy 100 mıllıon adamnan asatyn Mysyr naryǵyna jol ashady», – dep atap ótti Qaırat Lama Sharıf.
Forýmdaǵy baıandamashylardyń pikirinshe, ónimniń qymbattaýy jáne eki el arasyndaǵy saýda qarqynynyń birshama baıaýlaýy memleketterdiń geografııalyq alystyǵyna da baılanysty. Alaıda, Qazaqstannyń Saýda jáne ıntegratsııa vıtse-mınıstri Qaırat Tórebaev atap ótkendeı, osyǵan qaramastan, Qazaqstan tarapy ekijaqty taýar aınalymyn 4 esege jýyq ulǵaıtýǵa múmkindikti kórip tur.
«Bul turǵyda otandyq kompanııalar 300 mıllıon AQSh dollaryna jýyq somaǵa sapaly taýarlar usyna alady. Azyq-túlik qaýipsizdigin qamtamasyz etý maqsatynda mysyrlyq kompanııalar ózderiniń eksportqa baǵdarlanǵan óndiristerin Qazaqstanda ornalastyra alady. Bul baǵyt úshin mundaı jobalardy jeńildikpen kredıtteý, eksporttyq kelisimsharttardy saqtandyrý, taýarlardy tasymaldaýǵa jáne servıstik qoldaýǵa arnalǵan shyǵyndardy óteý kózdelgen. Budan basqa, jaqyn arada Qazaqstan otandyq ónimdi sheteldik satyp alýshylar úshin paıyzdyq mólsherlemeni CIRR deńgeıinde sýbsıdııalaıtyn bolady. Basqasha aıtqanda, bul kórsetkish aı saıyn negizde Ekonomıkalyq yntymaqtastyq jáne damý uıymynyń hatshylyǵy belgileıtin paıyzdyq mólsherleme boıynsha sanalady», – dep atap ótti vıtse-mınıstr.
Osy baǵyttaǵy jumysty jandandyrý Mysyr Syrtqy ister mınıstriniń Qazaqstanǵa aldaǵy alǵashqy resmı saparymen jáne eki el arasynda kezekti saıası jáne konsýldyq konsýltatsııalar ótkizýmen baılanysty. Bul týraly óz sózinde Mysyr Syrtqy ister mınıstriniń orynbasary T. ál-Ýasımı aıtty.
Іs-shara barysynda «Qazaqstanda jasalǵan» ámbebap kórmesi uıymdastyryldy, onda qonaqtardyń nazaryna otandyq óndirýshilerdiń, onyń ishinde Afrıka qurlyǵyna eksporttaıtyn kompanııalardyń ónimderi usynyldy. Sonymen qatar, otandyq jáne mysyrlyq kompanııalar arasynda ekijaqty bıznesaralyq (V2V) kelissózder júrgizildi
Іs-shara qorytyndysy boıynsha birqatar ekonomıkalyq qujattarǵa qol qoıyldy. Osylaısha, qazaqstandyq kompanııalar Mysyr naryǵyna 3 mıllıonǵa deıin ulǵaıtý perspektıvasymen 1 mıllıon dana kóleminde bótelkedegi sýdy jetkizý, qazaqstandyq kásiporyn negizinde farmatsevtıkalyq dári-dármekterdi shyǵarý, sondaı-aq Qazaqstan aýmaǵynda mys ken ornyn satyp alý týraly ýaǵdalasty.
Atalǵan forým mysyrlyq kásipkerlerdiń shıkizattyq emes sektordyń qazaqstandyq taýarlaryna qyzyǵýshylyǵyn qalyptastyrýǵa yqpal etip, otandyq taýar óndirýshiler men áleýetti mysyrlyq satyp alýshylar men ınvestorlar arasynda tikeleı baılanystardy jolǵa qoıýdy, ónimniń sapalyq jáne baǵalyq kórsetkishteri boıynsha aqparat almasýdy qamtamasyz etti. Eki el arasynda turaqty saýda mıssııalary men kezdesýlerdi ótkizý týraly sheshim qabyldandy.
