Qazaqstan musylmandarynyń kezekten tys VI quryltaıy ótti
ASTANA. 15 sáýir. QazAqparat - Keshe Almaty qalasyndaǵy «Nur-Múbarak» Islam mádenıeti ýnıversıtetinde Qazaqstan musylmandarynyń kezekten tys VI quryltaıy ótti.
QMDB málimetinshe, oǵan Qazaqstan musylmandary dinı basqarmasynyń tóraǵasy, Bas múftı, sheıh Ábsattar qajy Derbisáli, QR Din isteri agenttiginiń tóraǵasy Qaırat Lama Sharıf, zııaly qaýym ókilderi, ókil ımamdar, dinı basqarma qyzmetkerleri qatysty. Quryltaıda QMDB Tóralqa májilisinde maquldanǵan jańa Jarǵy bekitildi. Jarǵy mátini quryltaıda tolyqtaı oqyldy.
QR Din isteri agenttiginiń tóraǵasy, Qaırat Lama Sharıf elimiz boıynsha tirkelmeı qalǵan 110 meshitti qaıta tirkeý týraly usynys jasady.
QMDB tóraǵasy, Bas múftı sheıh Ábsattar qajy Derbisáli qarjylyq kómekke zárý meshitterge dinı basqarma tarapynan kómek kórsetilip kele jatqanyn, bul ıgi dástúr jalǵasa beretinin málimdedi.
Quryltaıda Jarǵynyń keıbir baptaryna tolyqtyrýlar engizilip, bir aýyzdan maquldanyp bekitildi.
Alqaly jıynda arnaıy qaýly qabyldandy. Onda QMDB Jarǵysyn QR Ádilet mınıstrligine qaıta tirkeý týraly usynys maquldandy. QMDB oqý oryndary men fılıaldarynyń úlgi erejesi bekitildi.
