Qazaqstan musylmandary dinı basqarmasynyń Jarǵysyna tolyqtyrýlar engizildi
ASTANA. 9 sáýir. QazAqparat - Búgin Qazaqstan musylmandary dinı basqarmasynyń Aqyldastar alqasynyń Ǵulamalar keńesiniń jáne oblystardaǵy ókil ımamdarynyń qatysýymen tóralqa jınalysy ótti.
QMDB málimetinshe, alqaly jıynǵa QMDB tóraǵasy, Bas múftı, sheıh Ábsattar qajy Derbisáli, Bas múftıdiń birinshi orynbasary, naıb múftı Qaırat Joldybaıuly, naıb múftı Muhammed Huseıin Alsabekov, QMDB apparat basshysy Balǵabek Myrzaev, dinı basqarmanyń bólim basshylary, ǵulamalar keńesiniń músheleri, aımaqtan arnaıy kelgen ókil ımamdar qatysty. Keleli kezdesýde «Qazaqstan musylmandary dinı basqarmasy» respýblıkalyq ıslamı dinı birlestiginiń Jarǵysy jan-jaqty talqylandy. Jarǵydaǵy jalpy erejeler sóz bolyp, ýaqyt talabyna saı ózgertýdi qajet etetin tustaryna tolyqtyrýlar engizildi. QMDB aqyldastar alqasynyń músheleri - fılologııa ǵylymdarynyń doktory Ómirzaq Aıtbaıuly, «Prezıdent jáne halyq» gazetiniń bas redaktory Marat Toqashbaev, belgili ǵalym, shyǵystanýshy Islam Jemeneı, t.b. ǵalymdar tóralqada tyń oılar men usynystar aıtty. Basqosýǵa qatysqandar Jarǵynyń jańa jobasyn biraýyzdan maquldady.
