Qazaqstan musylmandary dinı basqarmasynyń tóraǵasy jýrnalısterdi kásibı merekesimen quttyqtady
ALMATY. 26 maýsym. QazAqparat - «Barlyǵymyzdyń ılegenimiz bir teriniń pushpaǵy. Biz eldiń amandyǵy men bolashaǵymyz úshin birge qyzmet etip jatyrmyz dep oılaımyn».
Búgin Almatyda Qazaqstan musylmandary dinı basqarmasynyń tóraǵasy, bas múftı Erjan qajy Malǵajyuly jýrnalısterdiń kásibı merekesine oraı uıymdastyrylǵan «Іzgilik jarshysy» syılyǵynyń jeńimpazdaryn marapattaý rásiminde osylaı aıtty.
«Halyqtyń sanasy durys bolsa, memleket tynysh bolady jáne ol durys baǵyt-baǵdar ala alady. Sondyqtan dinı ahýaldy elge jaqsylap jetkizý sizderdiń birden-bir mindetterińiz. Sondaı-aq dinı basqarmanyń jáne ımamdar jumysyn eldiń tanýy da sizderge baılanysty», - degen tilegin bildirdi Qazaqstan musylmandary dinı basqarmasynyń tóraǵasy.
