Qazaqstan musylmandary Dinı basqarmasynyń basshysy bolyp sheıh Ábsattar qajy Derbisáli qaıta saılandy

Saılaý 17 jeltoqsanda Astanada bolǵan V quryltaıdyń barysynda ótti. Dinı basqarmanyń jarǵysy boıynsha meshitterdiń ımamdary jáne mandatqa ıe quryltaı delegattary óz kandıdatýralaryn usyna alady.

«Musylmandar sezi bes jylda bir ret ótip turady. Quryltaıǵa tek qazaqstandyq meshitterdiń ımamdary ǵana emes, Reseı, Qyrǵyzstan, Tájikstan jáne Mońǵolııa musylmandary qaýymdastyqtarynyń delegatsııalary da qatysty», dep habarlady Qazaqstan musylmandary Dinı basqarmasynyń baspasóz hatshysy Ońǵar qajy Ómirbek.

Ábsattar qajy Derbisáli 63 jasta, Qazaq KSR-de týǵan. Qazir Qazaqstannyń Bas múftııi, Ortalyq Azııa Múftııler keńesiniń tóraǵasy, Qazaqstan musylmandary Dinı basqarmasynyń basshysy, Qazaqstannyń Joǵarǵy ǵylym mektebi akademııasynyń akademıgi, fılologııa ǵylymdarynyń doktory, professor, tanymal shyǵystanýshy ǵalym jáne dıplomat. Birinshi sanattaǵy keńesshi dıplomatııalyq mártebesine ıe. Ol Qazaqstan musylmandary Dinı basqarmasynyń tóraǵalyǵyna 10 jyl buryn saılanǵan bolatyn. 2005 jyly ekinshi merzimge, bıyl úshinshi merzimge saılanyp otyr.