Qazaqstan musylmandary dinı basqarmasy eki shákirtke bilim grantyn berdi
«Biz Dinı basqarmanyń 30 jyldyq mereıtoıy aıasynda 30 stýdentke qoldaý kórsetý ıgi jobasyn qolǵa alǵan bolatynbyz. Buǵan deıin birqatar oblysta shákirtterge bilim grantyn tabystadyq. Maqsat – el bolashaǵy bolǵan jastarymyzdyń tolyqqandy bilim alýyna kómektesý. Búgin eki bilim granty Jańaózen qalasyndaǵy qos shákirtimizge buıyryp otyr. Alla Taǵala bilimderińdi arttyryp, el ıgiligi jolynda qyzmet ete berýlerińe tilektespin», - dep ıgi nıetin jetkizdi Bas múftı Naýryzbaı qajy Taǵanuly.
Qazaqstan musylmandary dinı basqarmasy baspasóz qyzmetiniń málimetinshe, QMDB bilim grantyn ıelengen eki shákirttiń biri Aıdos Bolatuly – «Nur-Múbárak» ýnıversıtetiniń birinshi kýrs stýdenti, ekinshisi Qýanysh Saıdolla – Almatydaǵy «Ábý Hanıfa» medrese-kolledjiniń ekinshi kýrs shákirti.